司徒華：將動議民主黨為五區總辭補選積極助選

因為民主黨自己唔落場，只喺場外敲邊鼓，坐山觀虎鬥。

鬼叫你哋公社早牌夾埋挾民主黨咩，輸咗就抵你哋死咯。

事實上又唔喺咁講，喺人都睇到佢地縮骨，又怕痕又怕痛，嗰心都幾矛盾。

民主黨自己話咗要保持廿三票否決權，但如果公社一敗塗地，連否決權都冇埋，民主黨都唔係幾好過，一定畀人篤。雖然佢話咗唔參加，你哋班野喺都唔聽，輸贏就與人無尤，即喺唔關佢嘅事。

民主黨艱苦經營廿載，冇乜貢獻都好，起碼都喺地區建立咗啲樁腳，選舉時就起咗唔少作用，最弊就喺如果家陣幫你地公社，唧喺話要將自己嘅資源跟你哋共享，咁樣為他人作嫁衣裳，佢哋梗喺唔制啦！

防人之心不可無，萬一第日選舉，公社兩家喺度撬埋我哋啲人，你哋知啦，嗰衰公黃毓民唔喺人咁品，插人唔使本，公文袋上次都遍體麟傷，又喺嘅，畀人打成咁都痴埋去，你話冇被虐狂鬼信。民主黨就唔會咁笨，正所謂是可忍熟不可忍，民主事小，民主黨事大也。

唔幫你地又驚畀人話，落場又驚輸。裝吓假狗咪得囉，無謂畀人話啦。